Biznesmenët kërkojnë ndihmë nga Presidenti i vendit

Kreu i shtetit gjatë takimit me komunitetin e biznesit është zotuar se do të angazhohet për zhvillim ekonomik. Ai është i gatshëm, siç thotë, të korrigjojë të gjitha gabimet e politikanëve në 30 vitet e fundit dhe të punojë në interes të qytetarëve, jo individëve. Pendarovski njoftoi forcimin e diplomacisë ekonomike dhe i ofroi ndihmë sektorit privat që synon të pushtojë tregje të reja të huaja.

Nuk do të nënshkruhet asnjë ligj apo dekret për shpalljen e një ligji nga ana ime nëse komuniteti i biznesit mendon se është në kundërshtim me interesat e tyre ose kundër interesave të qytetarëve. Nëse bëhet një lloj komploti i tillë burokratik dhe nuk ka lidhje me ekonominë reale dhe ju çuditeni se si ta zbatoni atë në praktikë, unë do ta kthej atë. do të kërkoj ri-votimin e tij me një shpjegim të detajuar pse nuk e kam nënshkruar dekretin- deklaroi Stevo Pendarovski, President i Maqedonisë së Veriut.

Për drejtimin e një biznesi të suksesshëm, afaristët i thanë Presidentit, se është i nevojshëm sundimi i së drejtës. Ata thonë se janë duke ende pritur njoftimet për reforma dhe në fushën e politikave ekonomike. Ata kërkuan nga ai të gjejë një mënyrë se si të rritet numri i kompanive vendase që janë të orientuara nga eksporti me vendet e huaja dhe ato përfaqësojnë vetëm 5% të numrit të përgjithshëm të kompanive në vend.

Është gjithashtu shumë e rëndësishme që Presidenti ka kompetencat e veta, veçanërisht në fushën e emërimit të personave që punojnë në misionet diplomatike anembanë botës. Natyrisht, ata janë tepër të rëndësishëm për të qenë person që kanë autoritet, që do të kenë integritet, por të jenë njerëz që do të kenë njohuri të mëdha jo vetëm të diplomacisë por edhe të ekonomisë dhe çfarë i nevojitet një qytetari- tha Danela Arsovska, Lidhja e Odave Ekonomike.

Në konferencën e sotme, gazetarët nuk kishin mundësi ta pyesnin Presidentin Pendarovski, si ai në mënyrë më të detajuar do të angazhohet për rritjen e ekonomisë së vendit. Para takimit u ra dakord që presidenti nuk do t’u përgjigjej pyetjeve të gazetarisë./alsat/