Rama i puth dorën efektives Ina Nuka, dekoron me “Ylli i Mirënjohjes”

Kryeministri Edi Rama ka falënderuar publikisht efektiven Ina Nuka për shërbimin e saj si punonjësve e policisë. Ina Muka u dekorua me medaljen “Ylli i Mirënjohjes” dhe gjatë këtij aktiviteti, kryeministri Rama i ka puthur dorën live. “Faleminderit në emrin tim, të qeverisë dhe çdo qytetari të këtij vendi që sot ndihet i çliruar për zgjedhjet e 30 qershorit, i cili hyri në shtëpitë e shqiptarëve mu në prag të vendimit të negociatave. Mirënjohje dhe respekt për çdo efektiv policie të pagatitur dhe të gatshëm për të reaguar. Mirënjohje për 60 policët e lënduar gjatë gjithë kohës së protestave të dhunshme.

Më vjen mirë që mes jush është edhe simboli i rezistencës, kolegia, mikja juaj dhe mikja ime e cila ra pre e një sulmi. Ina Nuku reagoi menjëherë ndaj një sulmi që i rrezikoi jetën, por nuk shpëtoi dot dorën. Sot është dita e duhur për t’i dedikuar Inës dhe të gjitha vajzave që shërbejnë në policinë e shtetit me akordimin e yllit të mirënjohjes së kryeministrit të vendit”, tha Rama.