Situata e përmbytjeve/ Rama në Lezhë: Dëmtimet më të pakta prej zhbllokimit të kanaleve

Kryeministri i vendit, Edi Rama ndodhet ditën e sotme në Lezhë për të vëzhguar nga afër dëmtimet nga rrëshqitjet e dherave.

Ai thotë se dëmtimet janë më të pakta si pasojë e reshjeve prej zhbllokimit të sistemimit të kanaleve kulluese dhe me argjinaturave.

“Aty ku sot bilanci disaditor i reshjeve është dy herë më i lartë se në janarin e lemerisshëm të vitit 2010, kur kanalet e bllokuara gjithandej nga plehrat dhe menaxhimi kriminal i kaskadës së Drinit bënë hatanë e zezë! Ndërsa sot, falë punës së madhe të bërë vit pas viti me zhbllokimin e sistemimin e kanaleve kulluese dhe me argjinaturat, dëmet janë dhjetra e dhjetra herë më të vogla ***vetëm kush e ka harruar se ku ishim deri dje apo kush nuk do që ta shikojë dallimin e madh që ka bërë me të djeshmen puna e këtyre viteve, nuk ka se si ta shohë që kjo e sotmja është një situatë e natyrshme, si në çdo vend kur intensiteti i reshjeve kalon kaq përtej kufijve të normales”, tha Rama.

Lezha është një ndër zonat më të dëmtuara prej reshjeve të shumta që kanë pushtuar gjithë vendin prej ditësh tashmë.