Trump: Nuk do ta pranojmë kurrë humbjen në zgjedhje

Presidenti amerikan, Donald Trump tha sot se nuk do ta pranojë kurrë humbjen në zgjedhjet presidenciale, dy javë para se demokrati Joe Biden të marrë detyrën në Shtëpinë e Bardhë.

“Ne nuk do të dorëzohemi kurrë. Asnjëherë nuk do ta pranojmë”, tha ai gjatë një tubimi para mbështetësve të tij.

“Ne i fituam këto zgjedhje dhe madje gjerësisht”, shtoi ai.

Deklarata e tij vjen pavarësisht të gjitha konfirmimeve dhe mungesës së provave që mbështesin hipotezën e mashtrimit zgjedhor.