Fjalët përfundimtare të mbrojtjes në rastin “Target-Fortesa”

Me fjalët përfundimtare sot në Gjykatën Penale në Shkup duhet të vazhdoj procesi gjyqësor për përgjimin e paligjshëm “Target-Fortesa”. Procesi gjyqësor për këtë rast ka filluar me 22 dhjetor të vitit 2017. Sipas prokurorisë, në fjalët përfundimtare në seancën e kaluar, ka theksuar se edhe përkundër të gjitha pengesave me të cilat janë përballur gjatë hetimeve kanë arritur të dëshmojnë se të akuzuarit e kanë kryer veprën për të cilën akuzohen dhe kërkoi dënime maksimale.

Procesin gjyqësor e udhëheq gjykatësja Xheneta Begtoviq, ndërkohë që përfaqësues të prokurorisë janë Lençe Ristovska dhe Trajçe Pelivanov.