Në kufirin Bullgari-Maqedoni kapen 6 persona me teste false për Covid-19
Ministria e Punëve të Brendshme njofton se gjatë ditës së djeshme, respektivisht gjatë orës 15:00 në vendkalimin kufitar mes Bullgarisë dhe Maqedonisë së Veriut, gjegjësisht në “Deve Bair” janë kapur gjashtë persona me PCR testeve negative për Covid-19, të falsifikuara, transmeton Alsat. Një person i arrestuar është nga Kavadari kurse pesë të tjerë nga Shkupi.
“Bëhet fjalë për L.A. (46), N.A. (46), të dy nga Shkupi, L.D. (22) nga Kavadari, B.M. (21), S.M. (22) dhe B.K. (24) poashtu nga Shkupi, të cilët dyshohen për shkelje të rregullave gjatë pandemisë dhe falsifikim të dokumenteve”, thonë nga MBP.
