Maqedonia e Veriut zgjat orën policore anti-COVID deri më 6 prill

Ora policore në Maqedoninë e Veriut, që zbatohej në dy javët e kaluara nga ora 22:00 deri në orën 05:00, është zgjatur deri më 6 prill, njoftoi Qeveria.

Në njoftimin nga Qeveria thuhet se vendimi është marrë me rekomandim të Komisionit për Sëmundjet Infektive, ndërsa do të fillojë prej sot.

Ora policore do të zbatohet nga ora 22:00 deri në orën 05:00 çdo ditë deri më 6 prill.

Më 9 mars, gjatë një seance të Qeverisë së Maqedonisë së Veriut, u mor vendim për të zbatuar orën policore për të parandaluar përhapjen e koronavirusit, që zgjat nga 22:00 deri në 05:00.

Ora policore për herë të parë u zbatua në vend në muajin mars të vitit të kaluar, në kohë të ndryshme, për të parandaluar përhapjen e COVID-19 dhe më 27 maj, si pjesë e masave lehtësuese, u mor një vendim për ta shfuqizuar atë.