Varhelyi: BE pritet t’i dhurojë 30 miliardë euro shteteve të Ballkanit Perëndimor
BE pritet t’i dhurojë 30 miliardë euro shteteve të Ballkanit Perëndimor.
Komisioneri Evropian për Fqinjësi dhe Zgjerim, Oliver Varhelyi, tha se Bashkimi Evropiani pritet t’i dhurojë 30 miliardë euro shteteve të Ballkanit Perëndimor për të ndihmuar këto shtete për rimëkëmbjen e tyre post-COVID-19.
Në një shkrim në Twitter, u shpreh se ky plan mund të funksionojë vetëm nëse rajoni bashkëpunon mes vete.
We are also investing heavily into closing economic gap & assist with post-COVID-19 recovery. Our Economic&Investment Plan for #WesternBalkans worth close to €30bn could be a game changer. But Plan will only work if region works as one.
— Oliver Varhelyi (@OliverVarhelyi) July 5, 2021
Në takimin e ftuar nga Kancelarja e Gjermanisë, Angela Merkel, morën pjesë kryeministra të vendeve të Bashkimit Evropian dhe të Ballkanit Perëndimor, përfaqësues të lartë të Bashkimit Evropian dhe të institucioneve të tjera të rëndësishme ndërkombëtare.
Samiti u zhvillua në katër sesione të ndara ku u diskutua për të arriturat e Procesit të Berlinit bashkëpunimin rajonal ndërmjet shteteve të Ballkanit Perëndimor dhe për hapat e ardhshëm në këtë proces.
Ndërsa, kryeministri Albin Kurti, deklaroi se BE-ja dhe vendet e rajonit të Ballkanit Perëndimor duhet të ndërmarrin veprime të guximshme për të forcuar lidhjet reciproke në përshpejtimin e reformave që hapnin rrugën e aderimit në familjen e madhe evropiane.
Ai në samitin virtual të Berlinit tha se Procesi i Berlinit u krijua në një kohë kur perspektiva e rajonit për anëtarësimin në BE dukej e largët, por fatkeqësisht edhe shtatë vjet më vonë situata nuk ka ndryshuar shumë.
