Ekskluzive: Djali i shoferit të autobusit tregon emrin e udhëtarit që mungon (Video)
Besar Memedi është i biri i Kadri Memetit, shoferit të dytë të autobusit të kompanisë “Besa Transa” që ka humbur jetëën pas djegies së autobusit në Bullgari. Në një deklaratë ekskluzive për televizionin kombëtar bullgar, BNT, ai kathënë se në momentin e tragjedisë babai i tij nuk ka qenë duke vozitur. Për babain e tij ka thënë se shpeshherë ka vozitur deri në Gjermani dhe Turqi dhe se i ka ditur mirë rrugët. Sipas Besarit, autobusi ka qenë në gjendje të rregullt teknike, transmeton Zhurnal.
Babai i tij tashmë i ndjerë, Kadriu, nuk ka lejuar njerëz në autobus me bagazh të rrezikshëm- as me mjete piroteknike, e as me karburante. “Autobusët kanë qenë tre vite të vjetër dhe teknikisht në rregul”, ka thënë Besari.
Sipas tij, nga lista e të mbijetuarëve në tragjedi, është një me emër Shadi Naufal Saleh, por emri i tij nuk gjendet në listën e udhëtarëve, raporton BNT.
