Haradinaj i drejtohet Kurtit: E me Maqedoninë e Veriut çfarë patët?
Daut Haradinaj i drejtohet Kurtit për masat e reja, ku të gjithë personat që hyjnë në Kosovë duhet të kenë tre vaksinat ose dy dhe PCR-test.
Postimi nga Haradinaj:
E pashë vendimin per mbylljen e kufirit me Shqipëri me kushtin e kalimit me 3 vaksina. Skandaloze!
Personalisht kam pritur që kontrollat në kufi me shtetin amë do hiqen tërësisht nga ky janar e në asnjë mënyrë vështirësime e mbyllje, proklamuat që na “hoqet” kufirin para pak muajsh. Çka tash?
Imagjinojeni nëse vendet tjera na e vendosin kusht vaksinën e tretë!
E me Maqedoninë e Veriut cfarë patët? Maqedonët nuk është që na vizitojnë edhe aq shpesh! Nga Maqedonia janë motrat dhe vëllezërit tanë që jetojnë dhe punojnë në të dy shtetet.
Kufinjtë nuk hiqen me “zgërdhirje” e as me filozofi!
Trajtoni shqiptarët në të dy anët me dinjitet, mjaftë me vendime naive.
