Franca nuk garanton fillimin e negociatave të Maqedonisë së Veriut me BE-në në qershor

Sekretari francez i Shtetit për Çështjet Evropiane Clement Bonn tha se ka vullnet politik në Sofje dhe Shkup, por nuk mund të premtonte ende nëse bisedimet me Maqedoninë e Veriut do të fillonin gjatë presidencës franceze, përcjell Telegrafi Maqedoni.

Këtë e deklaroi Boni sot në konferencën për shtyp pas Këshillit për Çështje të Përgjithshme të BE-së në Bruksel.

I pyetur për të komentuar deklaratën e ministrit të Punëve të Jashtme të Maqedonisë së Veriut, Bujar Osmani, se të dyja palët po bëjnë përparim në negociatat bilaterale, Bonn konfirmoi se ka sinjale pozitive.

“Isha në Bullgari pas zgjedhjes së qeverisë së re, kam biseduar së fundmi me autoritetet bullgare dhe kryeministrin Petkov, ka një angazhim serioz në Shkup dhe Sofje për të gjetur një zgjidhje të mosmarrëveshjes, por nuk mund të paragjykoj, mundem të konfirmoj vetëm sinjalet pozitive.

Nëse ka rezultat nga ato sinjale, atëherë presidenca franceze do të fillojë procesin, por në këtë moment nuk ka mbështetje të mjaftueshme për të thënë se do të fillojmë”, tha Bonn.

Sekretari francez i shtetit kujtoi se Bullgaria është e vetmja që kundërshton këtë vendim.

FacebookTwitterMessengerViberWhatsAppShare