LAJMI I FUNDIT: Konfirmohet data e takimit tjetër Rusi – Ukrainë

Raundi i dytë i bisedimeve ndërmjet delegacioneve nga Ukraina dhe Rusia për situatën në Ukrainë është planifikuar të mërkurën, raportojnë mediat shtetërore ruse.

Agjencia ruse e lajmeve TASS citoi të martën një burim nga pala ruse duke thënë se e mërkura, 2 mars, është data për të cilën të dyja palët kishin rënë dakord fillimisht, shkruan CNN, transmeton lajmi.net.

Agjencia shtetërore ruse e lajmeve RIA shtoi se raundi i dytë i bisedimeve do të zhvillohet në Bjellorusi pranë kufirit Bjellorusi-Poloni dhe citoi politikanin bjellorus Yury Voskresensky, i cili ata thanë se është afër bisedimeve.

Sipas Voskresensky, anëtarët e parë të delegacioneve pritet të mbërrijnë këtë mbrëmje në kryeqytetin e Bjellorusisë, Minsk.

Raundi i parë i bisedimeve të hënën zgjati për pesë orë dhe përfundoi pa ndonjë përparim.

Zyrtarët ukrainas nuk kanë konfirmuar ende se e mërkura është data për raundin e dytë të bisedimeve.