Negociatorët rusë mbërrijnë në Stamboll për bisedimet e paqes me Ukrainën

Negociatorët rusë kanë mbërritur në Stamboll për raundin tjetër të bisedimeve të paqes midis Moskës dhe Kievit derisa lufta ruse kundër Ukrainës po vazhdon për më shumë se një muaj, raporton Anadolu Agency (AA).

Aeroplani privat që transportonte delegacionin rus u ul në aeroportin Ataturk të Stambollit rreth orës 16:00 sipas kohës lokale.

Po ashtu edhe delegacioni ukrainas pritet të mbërrijë në Stamboll mbrëmjen e sotme.

Bisedimet dy-ditore të paqes do të fillojnë nesër në zyrën presidenciale Dolmabahçe.

Deri më tani në Bjellorusi janë mbajtur disa raunde të bisedimeve të paqes midis Rusisë dhe Ukrainës, por ende nuk janë arritur rezultate konkrete.

Më 10 mars, Turqia ishte në titull të mbarë botës për pritjen e shefave të diplomacisë ruse dhe ukrainase në qytetin jugor Antalya, takim i nivelit më të lartë të të dy palëve që nga fillimi i luftës më 24 shkurt.

Turqia ka fituar vlerësimeve të gjera për përpjekjet e saj për t’i dhënë fund luftës, e ndihmuar nga qëndrimi i saj unik në marrëdhëniet miqësore me Rusinë dhe Ukrainën.