Grenell komenton zgjedhjet në Serbi – uron Vuçiqin për fitore

Richard Grenell i është rikthyer ngjarjeve në gadishullin ballkanik dhe së fundi ka uruar fituesin e zgjedhjeve në shtetin serb.

Ish-i dërguari i SHBA-së për dialogun ndërmjet Kosovës dhe Serbisë, Grenell, ka uruar sot Aleksandar Vuçiqin për fitoren në zgjedhjet presidenciale të Serbisë.

“Ne kemi një miqësi të fortë dhe ka një rritje (të miqësisë) mes Shteteve të Bashkuara dhe Serbisë. Ne kemi ende shumë për të bërë së bashku”, shkroi Grenell në Twitter.

Theksojmë se SNS i Vuçiqit triumfoi në zgjedhjet presidenciale në Serbi, duke siguruar një mandat të ri në raundin e parë bazuar sipas të dhënave të fundit të KQZ-së.

Rezultatet e 86,13 për qind të vendvotimeve të përpunuara nga Komisioni Republikan thonë se Presidenti i Serbisë ka fituar 60,42 për qind të votave. /Telegrafi/

Congratulations to @avucic for winning re-election in Serbia.

We have a strong and growing U.S.-Serbia friendship – and a lot still to do together. 🇷🇸 🇺🇸 https://t.co/xBcSOFo6ES

— Richard Grenell (@RichardGrenell) April 3, 2022