Xhaferi: Bojkoti i VMRO-së “çon ujë në mullirin” e atyre që luftojnë kundër Ukrainës

Kryetari i Kuvendit, Talat Xhaferi, në një intervistë dhënë për “Vizion Plus” në Shqipëri, tha se vendimi i VMRO-së për të bllokuar Kuvendin në një kohë krize ku ndodhemi aktualisht, është komplet i gabuar. Sipas Xhaferit, për të bojkotuar Kuvendin një muaj e gjysmë para hapjeve të negociatave me BE-në, “çon ujë në mullirin” e atyre që luftojnë kundër Ukrainës. Sipas Xhaferit kjo është e qëllimishme për interesa të ngushta të dikujt.

“Në këto kohë krize ku ndodhemi, duke parë krizën e luftës nga agresioni rus në Ukrainë. Ky bllokim çon ujë në mulli të atyre që luftojnë kundër Ukrainës. Në një luftë si kjo e sotmja nuk mundemi të rrimë në dy karrige, ne jemi anëtare e NATO-s. Në këtë situatë që ndodhemi, kjo është komplet e gabuar. Në vend që të lehtësojmë krizën ne e shtojmë edhe më shumë.