Pendarovski dekreton Protokollin për anëtarësimin e Suedisë dhe Finlandës në NATO
Presidenti Stevo Pendarovski informoi se sot pasdite ka nënshkruar Dekretin për shpalljen e Ligjit për ratifikimin e protokolleve për anëtarësimin e Suedisë dhe Finlandës në NATO.
“Ratifikimi i Protokollit të Traktatit të Veri-atlantikut për anëtarësimin e Suedisë dhe Finlandës në NATO konfirmon mbështetjen tonë për politikën e dyerve të hapura. Zgjerimi i Aleancës me dy vendet është kontribut për sigurinë kolektive të rajonit euroatlantik”, tha Pendarovski.
Kuvendi dje me 103 vota “pro” dhe dy “kundër” ratifikoi protokollet për pranimin e Suedisë dhe Finlandës në NATO pa diskutim dhe debat.
Kjo është hera e parë që Kuvendi i Maqedonisë së Veriut ratifikon protokollet e vendeve të reja që aspirojnë anëtarësimin në Aleancë.
