Aplikimi i Kosovës në BE, reagon Vuçiq

Ditën e sotme Kosova ka nënshkruar dokumentin e aplikimit për anëtarësimin në Bashkimin Europian. Rreth hapit të parë të Kosovës për t’iu bashkuar familjes evropiane ka reaguar presidenti serb, Aleksandar Vuçiç.

Përmes një vidoe mesazhi të publikuar në rrjetet sociale, Vuçiç ka thënë se “ka kërkuar nga Perëndimi që t’i tregojë se cilin nga pesë apo gjashtë dokumentet e rëndësishme duan të respektojnë”.

“Marrëveshja e Kumanovës, Karta e OKB-së, Rezoluta 1244, Marrëveshja e Brukselit apo Marrëveshja e Uashingtonit. Kemi ardhur te dokumenti i gjashtë shumë i rëndësishëm i BE-së nga viti 2003, dokumenti i famshëm i Selanikut, për zgjerimin e BE-së në Ballkanin Perëndimor.

Dhe në dritën e paraqitjes së kërkesës për anëtarësim në BE të Kosovës, pyetja ime është nëse do të respektojnë dokumentet që kanë sjellë vetë, qoftë edhe atë historik nga Selaniku, sepse në pikën 5 të dokumentit të Selanikut, thuhet se mbështet plotësisht zbatimin e Rezolutës 1244. Pra, pyetja ime sot është se cilin nga këto gjashtë dokumente dëshironi të respektoni dhe ne do të pajtohemi absolutisht”, tha Vuçiç

Kanë qenë tre liderën shtetërore të Kosovës ata të cilën kanë nënshkruar aplikimin për anëtarësimin e Kosovës në BE.

Në një ceremoni zyrtare, nënshkrimin e dokumentit të aplikimit, e kanë bërë presidentja e Republikës së Kosovës, Vjosa Osmani Sadriu, Kryetari i Kuvendit, Glauk Konjufca dhe Kryeministri, Albin Kurti.

FacebookTwitterMessengerViberWhatsAppShare