Hungaria do të votojë kundër aplikimit të Kosovës për anëtarësim në BE
Hungaria ka rinovuar mbështetjen e saj për Serbinë, një strategji e saj kjo për të penguar aplikimin e Kosovës për anëtarësim në Bashkimin Evropan, OKB dhe Këshillin e Evropës.
Hungaria madje ka paralajmëruar edhe rrëzimin e aplikimit nga ana e Kosovës për në BE.
Euronews shkruan se ky vendim vjen në një kohë kur raportet midis Serbisë dhe Kosovës janë përkohësisht më stabile, pas ndërmjetësimit të BE-së dhe SHBA-së javën e kaluar.
“Pranimi i parakohshëm i Kosovës nga entitete të ndryshme evropiane mund të rrezikojë pajtimin”, tha Péter Szijjártó, ministër i Jashtëm i Hungarisë.
“Prandaj, nëse votohet se a do të pranohet Kosova si anëtare e Këshillit të Evropës, qeveria do të votojë kundër”, u shpreh Szijjártó, në një takim në ministrinë e jashtme të Hungarisë në Budapest.
