RMV/ Shënohet përvjetori i anëtarësimit në NATO
Republika e Maqedonisë së Veriut në mënyrë solemne e shënoi trevjetorin e anëtarësimit të vendit në NATO.
Në programin e solemnitetit morën pjesë dhe kreu i shtetit të Republikës së Maqedonisë së Veriut, anëtarët e Qeverisë dhe Kuvendit, përfaqësuesit më të lartë të Armatës, kori diplomatik në vend dhe shumë pjesëmarrës të tjerë dhe delegacione nga vendi dhe jashtë.
Në ngjarjen solemne mbajti fjalim Kryetari i Qeverisë së Republikës së Maqwedonisë së Veriut Dimitar Kovaçevski, ministrja e mbrojtjes Sllavjanka Petrovska dhe gjeneral nënkoloneli Vasko Gjurçinovski.
Në fjalimin e tij, Kryeministri Kovaçevski theksoi: Jam krenar që mund t’ju drejtohem sot drejtpërdrejt si Kryeministër i një vendi që tre vjet më parë, pikërisht sot – më 27 mars, arriti një nga synimet e tij strategjike – u bëmë anëtar i Aleancës më të fuqishme ushtarake-politike – NATO-aleanca. Vendimi ynë kombëtar për t’u anëtarësuar në Aleancë theu barrierat e partive, religjioneve dhe kombeve dhe na bashkoi. Një diferencë e parëndësishme janë ata pak që nuk krenohen me këtë sukses tanë dhe do të donin alternativa të tjera.
Kryeministri Kovaçevski u fokusua në rëndësinë e NATO-s për Maqedoninë e Veriut por edhe për rëndësinë rajonale dhe globale të Aleancës: “Të jesh NATO do të thotë të ndash tryezën e vendimmarrjes me vendet më të zhvilluara në botë, të marrësh vendime për sigurinë botërore së bashku me më të fuqishmit.
Të ruajmë paqen tonë dhe atë botërore si pjesë e një organizate ushtarakisht superiore, politikisht të fuqishme dhe relevante dhe ekonomikisht dominuese. Paqe dhe zhvillim për gati një miliard njerëz, të cilët jetojnë në vlera të përbashkëta demokratike.
Pushtimi brutal ushtarak i paprovokuar i Rusisë në Ukrainë na dha një perspektivë të ndryshme se sa e rëndësishme është siguria dhe stabiliteti. Një luftë që menduam se toka evropiane nuk do ta shihte më kurrë.
Kjo luftë, me të gjitha elementet e saj, e vendosi Evropën në një krizë të re sigurie, por edhe energjetike e ekonomike, për përballimin e së cilës, solidariteti dhe uniteti i NATO-s ishin dhe janë vendimtar. Dhe pikërisht në atë unitet mund të shihet vizioni i Aleancës dhe pse ne do të dalim nga kjo krizë më të fuqishëm, më të bashkuar.”
Ministrja e Mbrojtjes, Sllavjanka Petrovska në fjalimin e saj theksoi:
“Unitet dhe vendosmëri për paqe, për siguri.
Ky është mesazhi që sot, të gjithë të bashkuar do ta shënojmë përvjetorin e anëtarësimit të plotfuqishëm të Maqedonisë së Veriut në NATO-Aleancën-qëllimi ynë strategjik i politikës së jashtme për tre dekada. Do ta shënojmë edhe Ditën e NATO-s, sepse prej vitit 2020 ajo ditë është edhe ditë e jona.
Sot me krenari themi se Ne jemi NATO, sepse dinim të jemi të guximshëm, dinim si komb të sjellim vendimet e vërteta, të cilat nga kjo perspektivë, me të vërtetë ishin miratuar në kohë të duhur”.
Në vazhdim, ministrja Petrovska u fokusua në invazionin brutal ushtarak që Rusia e realizoi ndaj Ukrainës dhe theksoi: Që në momentin e parë Maqedonia e Veriut ishte e qartë. Ne qëndrojmë me vendosmëri dhe vendosmëri në pozicionin – JO luftës, JO vuajtjeve, JO viktimave të pafajshme.
Ne morëm vendime për të ndihmuar dhe mbështetur një vend sovran që po bën gjithçka për t’u mbrojtur nga agresioni i jashtëm, dhe e bëmë këtë me arsye dhe me synimin për të ndihmuar një popull që thjesht dëshiron të jetë i veti, për të mbrojtur sovranitetin e tij ka çdo drejtë.”
Ministrja Petrovska foli edhe për kontributin ndaj Armatës: “Nëse e shikojmë punën tonë në vend, qëllimi ynë nuk ishte vetëm ta bënim Armatën pjesë të NATO-s, por edhe NATO-n në Armatë – me pajisjet që ndryshojnë çdo ditë, me procedurat dhe proceset që zhvillohen, me kuadrin që po përmirësohet, me kushtet e punës dhe standardin që ka çdo ushtar profesionist, çdo nënoficer dhe oficer i Armatës.
Dhe e gjithë kjo do të ishte e pamundur pa rritjen e buxhetit të Mbrojtjes. Me gjitha sfidat ekonomike me të cilat përballet Qeveria dhe ministrat e dikastereve ekonomike, buxheti i Mbrojtjes është në rritje, sipas kriterit të ri të NATO-s prej 2% të PBB-sëi dedikuar për Mbrojtjen që nga viti i ardhshëm, vendi ynë do ta arrijë atë, ndërsa kriteri i dytë për ndarjen e 20% nga buxheti i Mbrojtjes për pajisje dhe modernizim dhe tashmë e kemi tejkaluar, duke pasur parasysh se në vitin 2023, 33% e buxhetit është dedikuar për pajisje”.
Shefi i Shtabit të Përgjithshëm të Armatës së Republikës së Maqedonisë së Veriut, Vasko Gjurçinovski, në fjalimin e tij theksoi: “Me qasjen tonë dhe përmbushjen e të gjitha detyrave në ushtri, ne kemi treguar se jemi një partner i besueshëm dhe i përgjegjshëm, i cili standardet në stërvitje dhe ndërveprueshmëri i kemi arritur shumë më herët se anëtarësimi ynë i plotë dhe që i konfirmojmë në tre vitet e fundit.
Me vendosmëri të vazhdueshme, tre dekada punë të palodhshme dhe përkushtim, arritëm integrimin më të shpejtë ushtarak në NATO, objektiv të cilin e arritëm në 19 muajt e anëtarësimit tonë të plotë.
Ecja e suksesshme në rrugën hyrëse është rezultat i punës së bërë nga të gjitha brezat e anëtarëve tanë që ndoqën me përkushtim rekomandimet e Aleancës, zbatuan përvojat e fituara dhe mësimet e nxjerra nga operacionet ndërkombëtare dhe stërvitjet ushtarake për të arritur standardet e nevojshme të NATO-s. ”
Shefi i Shtabit të Përgjithshëm, Gjurçinovski në fjalimin e tij u fokusua në sukseset e Armatës:
“Suksesi që ka arritur Armata gjatë gjithë kësaj periudhe reflektohet në atë që kemi tani, e cila është një forcë e lëvizshme, profesionale dhe efikase, e aftë për të mbrojtur sigurinë e vendit tonë dhe për t’iu përgjigjur të gjitha kërcënimeve bashkëkohore dhe për t’iu përgjigjur të gjitha kërcënimeve dhe sfidave bashkëkohore.
Shpreh falënderimin tim për të gjithë ata që na mbështesin dhe ju siguroj se do të vazhdojmë të justifikojmë plotësisht besimin, sepse ne jemi një institucion që ekziston dhe do të punojmë për interesat e vendit dhe popullit të tij”.
