Skandal edhe në Serbi: LIVE në TikTok një nënë duke lindur!
Media në Serbi njofton se një motër medicinale ka transmetuar live në rrjetin social TikTok një nënë duke lindur. Incidenti, njofton, kdp.mk, ka ndodhur mëngjesin e sotëm në një klinikë të Beogradit
Media serbe bën të ditur se të paktën 200 qytetarë ishin skandalizuar nga ky “transmetim i drejtpërdrejt”.
Drejtoria e Klinikës e ka reaguar menjëherë: Ka dënuar ashpër veprimin e infermieres, duke e suspenduar atë nga puna.
“Jemi të tmerruar dhe dënojmë ashpër veprimet e infermieres. Në të njëjtën kohë falënderojmë të gjithë ata që na informuam me kohë për këtë ngjarje,”- përcjell kdp.mk deklaratën e autoriteteve spitalore beogradase për tv e pavarur N1.
Filmimi dhe publikimi i lindjes është rreptësisht i ndaluar me Ligjin serb për Mbrojtjen Shëndetësore.
Kujtojmë se më herët, diçka e ngjashme ndodhi në Spitalin e Tetovës kur një anesteziolog me iniciale V.D., po në TikTok transmetoi Live gra duke lindur ose duke iu nënshtruar kontrollit. Pas reagimeve të shumta, mjeku përfundoi në polici, u përjashtua nga puna dhe Këshilli i Nderit pranë Odës së Mjekëve mori vendim që të njëjtit t’i merret për shtatë vjet licenca e punës.
