Kovaçevski: Ndërtimi i korridoreve ka nisur dhe nuk do të ndalet

Kryeministri Dimitar Kovaçevski thotë se askush nuk mund ta ndalojë ndërtimin e Korridorit 8 dhe 10D.

Kovaçevski në takim me gazetarët tha se ligjet e ndërlidhura me ndërtimin e korridoreve, të shënuara me flamurin evropian, duhet të miratohen dhe se këtë e kërkojnë edhe kompanitë vendase pasi që e përshpejton procesin e ndërtimit.

“Me partnerët tanë amerikan për “Bechtel dhe Enka” nuk kemi folur shumë, për shkak se ajo është votuar ligjërisht ne Kuvend. Nuk kishte asnjë deputet kundër. Projekti tashme ka nisur, makineritë janë në terren dhe nuk do të ndalen.

Ndryshimet ligjore duhet të kalojnë në Kuvend, sepse përshpejtohet puna në terren. Këtë e kërkojnë edhe kompanitë tona të vendit”, tha mes tjerash Kovaçevski.