Diskutonin buxhetin, këshilltari hedh tre granata në mes të mbledhjes. Plagosen 26 persona (Video)
E pabesueshme ajo që ka bërë një këshilltar i një fshati në Ukrainën Perëndimore. Ai hodhi tre granata dore gjatë takimit të këshillit, duke plagosur 26 persona.
Ngjarja e rëndë ndodhi të premten në mëngjes, në zyrat e këshillit të fshatit Keretsky, në rajonin Transcarpathian. Policia deri më tani nuk i ka bërë publike arsyet e sulmit, që la në gjendje shumë të rëndë 6 persona.
Takimi në fjalë po transmetohej live në Facebook. Këshilltarët ishin përfshirë në një debat të nxehtë mbi buxhetin e vitit 2024. Pas 90 minutash, një prej këshilltarëve rihyn në dhomë dhe qëndron para derës. Pak më vonë nxjerr granatat nga xhepat.
Shkurtimisht përpiqet që të tërheqë vëmendjen e personave të tjerë duke thënë “Mundem, mundem?”, shkruan BBC. Në këtë moment heq siguresat dhe i hedh granatat në mes të dhomës.
Ukrainasit kanë qasje në armatime për shkak të luftës me Rusinë, por nuk ka asnjë provë që e lidh këtë sulm me konfliktin.
Keretsky është një fshat me 4 mijë banorë, jo shumë larg nga kufiri me Hungarinë. Policia ukrainase tha se ngjarja do të hetohet si një “sulm terrorist”./tvklan.al
VIDEO: 26 Injured As Ukrainian Councillor Detonates Grenades At Meeting
• A Ukrainian village Councillor set off hand grenades during a meeting at the headquarters of the village council of Keretsky in the Zakarpattia region, wounding 26 people.
• The incident triggered a… pic.twitter.com/Xsmd9kOMim
— Intel Region (@IntelRegion) December 15, 2023
