Erdoğan, Zelenskyy-t: Türkiye e gatshme të jetë nikoqire e bisedimeve për paqe në Ukrainë

Presidenti i Türkiyes, Recep Tayyip Erdoğan, zhvilloi një bisedë telefonike me homologun e tij ukrainas, Volodymyr Zelenskyy, të cilit i tha se Türkiye është “i gatshëm” të marrë rolin e ndërmjetësit dhe nikoqirit të bisedimeve për të siguruar paqen në Ukrainë, raporton Anadolu.

Drejtoria e Komunikimeve e Türkiyes njoftoi se në bisedën telefonike, Erdoğan dhe Zelenskyy diskutuan çështje rajonale dhe globale, veçanërisht luftën në Ukrainë.

Türkiye po bën “përpjekje intensive” për të ndaluar gjakderdhjen si në Ukrainë, ashtu edhe në territoret palestineze dhe për të siguruar paqen e përhershme, tha Erdoğan.

Ai shtoi se është e rëndësishme që Korridori i Drithërave të Detit të Zi të ristrukturohet dhe të bëhet funksional, duke theksuar se ai vazhdon kontaktet diplomatike për këtë qëllim.

Presidenti i Türkiyes shtoi se duhet të arrihet një armëpushim sa më shpejt në Ukrainë dhe duhet të hapet dera për paqe.