Sanduloviq kujton familjen e Jasharëve përmes fotografisë: A ishin terroristë këta shqiptarë?
Politikani opozitar në Serbi, Nikola Sanduloviq ka kujtuar familjen e komandantit legjendar, Adem Jashari, të cilët u vranë më 5,6 dhe 7 mars të vitit 1998.
Përmes një postimi në Twitter dhe krahas një fotografie të fëmijëve të familjes Jashari, Sanduloviq tha se ata u vranë me urdhër të kriminelit të luftës, Sllobodan Millosheviq, duke përmendur emrin e Blerina Jasharit, vajzën shtatëvjeçare e cila ishte në mesin e të vrarëve, raporton Gazeta Sinjali.
“A janë terroristë këta fëmijë shqiptarë? Shikojeni mirë këtë foto, sepse këta janë fëmijët e vrarë të familjes Jashari. Ata u vranë me urdhër të kriminelit të luftës Sllobodan Millosheviq. Në mesin e këtyre fëmijëve ishte edhe vajza shtatëvjeçare Blerina Jashari, e cila u vra nga një plumb në pjesën e pasme të kokës”, ka shkruar ai.
Tutje ai ka përmendur edhe rastin e tij, teksa ishte torturuar nga policia serbe vetëm pse vendosi lule mbi varrin e saj dhe kërkoi falje në emër të serbëve.
“Kryetari i Partisë Republikane në Serbi, Nikola Sanduloviq, vendosi lule në varrin e saj, kërkoi falje në emër të serbëve që nuk e bënë këtë krim dhe kërkoi falje në emër të paqes dhe të ardhmes së popullit serb dhe shqiptar në Kosova. Prandaj ai u rrëmbye, u torturua, u poshtërua dhe u rrah për vdekje nga policia sekrete serbe BIA me urdhër të spiunit të dekoruar rus Aleksandar Vulin dhe presidentit serb Aleksandar Vuçiq. Kur Nikola Sandulović mbeti gjallë pas 9 orësh torturash, departamenti i antiterrorizmit hyri në prokurori dhe gjykatës nga Nishi dhe e akuzoi atë për SHPËRNDARJE URREJTJE FETARE DHE KOMBËTARE për vendosjen e luleve mbi varrin e një vajze shqiptare 7-vjeçare të vrarë. A është tashmë e qartë për të gjithë se çfarë është qeveria aktuale në Serbi dhe cilat do të jenë pasojat?”, ka shkruar tutje ai.
Are these Albanian children terrorists?
Take a good look at this photo, because these are the murdered children of the Jashari family. They were killed on the orders of the war criminal Slobodan Milosević. Among these children was the seven-year-old girl Blerina Jashari, who was… pic.twitter.com/riN0qCRElD— Nikola Sandulovic (@Sandulovic_N) March 7, 2024
