Policia e Kosovës ndalon 5 automjete me mallra bujqësore në Leposaviq
Të hënën, Policia e Kosovës pas një pune intensive rreth orës 14:00, në fshatin Koshuticë të Leposaviqit, ka ndaluar pesë automjete të ndryshme në të cilat kishte mallra dhe mjete bujqësore.
Në mallrat e gjetura nga Policia e Kosovës kishte trembëdhjetë (13) motor, 6 kositëse për bari të mëdha, 3 freza bujqësore, 200 copë shata për freza, një motosharrë, një moto-kultivator dhe një motoçikletë me katër rrotë për fëmijë.
Me autorizim të Prokurorit të Shtetit, është iniciuar rasti “Kalim i paautorizuar i kufirit – Tentim”, përderisa rasti shkon për trajtim në procedurë të rregullt.
Njoftimi i plotë i Policisë së Kosovës:
Policia e Kosovës inicion dy raste, një për “Kalim të paautorizuar të kufirit – Tentim”, dhe tjetri për “Kontrabandë me mallra”
Prishtinë, më 27.05.2024
1. Policia e Kosovës, konkretisht njësitet policore të Departamentit të kufirit pas një pune intensive operative dhe hetimore sot me datë 27.05.2024, rreth orës 14:00, në fshatin Koshuticë, K.K. Leposaviq, në dalje të Republikës së Kosovës për në Serbi kanë ndaluar pesë (5) automjete të ndryshme në të cilat kishte mallra, mjete bujqësore të përmendura si në vijim:
– Motorë (kultivator); trembëdhjetë (13) copë,
– Kositëse për bari të mëdha (mullqera) gjashtë (6) copë,
– Freza bujqësorë tri (3) copë,
– Shata për freza dyqind (200) copë,
– Motosharrë dore një (1) copë,
– Moto-kultivator një (1) copë,
-Motoçikletë me katër rrotë për fëmijë një (1) copë.
Me autorizim të Prokurorit të Shtetit, është iniciuar rasti “Kalim i paautorizuar i kufirit – Tentim”, përderisa rasti shkon për trajtim në procedurë të rregullt.
2. Në një rast tjetër disa orë më herët patrulla kufitare e Stacionit Policor për Mbikëqyrje të Kufirit në Keçekollë në fshatin Metergovc, K.K. Podujevë, në brezin kufitar ka hasur në një sasi prej rreth njëzet (20) metra kub dru të llojeve ahu dhe pishë (trupa).
Në vendngjarje kanë dalë zyrtarë të APK-së, përderisa me autorizim të Prokurorit të Shtetit, është iniciuar rasti “Kontrabandë me mallra”, malli i kontrabanduar është dërguar në terminal doganor, përderisa rasti vazhdon të hetohet nga autoritetet kompetente.
