Sllovenia njeh shtetin e Palestinës

Sllovenia edhe zyrtarisht ka marrë vendim që ta njohë shtetin e Palestinës.

Parlamenti slloven të martën ka vendosur pro propozimit të Qeverisë për ta njohur shtetin palestinez.

Ministrja e Jashtme sllovene, Tanja Fajon, ka njoftuar se vetëm zgjidhja me dy shtete mund të çojë në paqe në Lindjen e Mesme.

“I dashur popull i Palestinës, vendimi përfundimtar i sotëm i Sllovenisë është mesazh shprese dhe paqeje. Ne besojmë se vetëm një zgjidhje me dy shtete mund të çojë në një paqe të qëndrueshme në Lindjen e Mesme. Sllovenia do të vazhdojë pa u lodhur të punojë për sigurinë e të dyjave kombeve, palestinezët dhe izraelitët”, ka thënë Fajon.