Taravari: Negociatat me BE-në nuk hapen me fotografi në avion! Duhet të ndryshohet Kushtetuta

Arben Taravari nga VLEN në konferencën e sotme për Ditën e Europës tha se nuk pajtohet me deklaratat që vendi ka hapur negociatat për anëtarësim në BE, shkruan TV21. Taravari tha se dihet që për hapje të negociatave duhet të ndryshohet Kushtetuta.

“Mua më vjen keq që kemi parë fotografi 3-4 herë që kemi filluar negociatat. Njerëz, ejani të bëhemi të sinqertë. Që të nisim negociatat duhet të ndryshohet Kushtetuta. Nuk fillohen negociatat me fotografi nga avioni. Kështu që ejani të mos flasim shumë, të bëjmë shumë, dhe kur të nisim bisedimet t’u themi njerëzve, ne filluam”, deklaroi Taravari./tv21.tv