Instagrami mbetet i bllokuar në Türkiye, nuk ka përparime në bisedime

Ministri turk i Transportit dhe Infrastrukturës, Abdulkadir Uraloğlu, tha se bisedimet mes zyrtarëve turq dhe përfaqësuesve të Instagramit ende nuk kanë dhënë rezultate, raporton Anadolu.

“Ne nuk mendojmë se do të ketë ndonjë përparim sot”, tha ministry Uraloğlu, duke shtuar se bisedimet do të vazhdojnë.

Të premten, Türkiye bllokoi qasjen në platformën e mediave sociale për të luftuar më mirë krimet si trafikimi i qenieve njerëzore, kontrabanda dhe abuzimi me fëmijët.

Më herët gjatë ditës së sotme, Uraloğlu tha se zyrtarët turq ishin takuar me përfaqësuesit e Instagramit javën e kaluar.

“Gjatë takimit u përcollën ndjeshmëritë tona për respektimin e ligjeve të Republikës së Türkiyes”, tha ai.