Sërish prezencë më e madhe e KFOR-it mbi Urën e Ibrit, Elshani: Ishte një ushtrim, fort mirë është
Pasditën e sotme është vërejtur një prezencë më e madhe e trupave të KFOR-it mbi Urën e Ibrit.
Zëvendësdrejtori i policisë për rajonin e veriut, Veton Elshani, tha për Klankosova.tv se ishte vetëm ushtrim i trupave të KFOR-it.
“Ishte një ushtrim, mirë po më duket mua. Për ditë po i mbajnë, for mirë është”, tha Elshani për Klankosova.tv.
Kjo nuk është hera e parë që trupa të KFOR-it vërehen në prezencë më të shtuar mbi Urën e Ibrit, pasi një gjë të tillë e kanë bërë edhe disa herë muajin e kaluar.
