“K’cimi i Tropojës” në UNESCO, Rama: Rilindje e vlerave të braktisura nën pluhurin e harresës

Kryeministri i Shqipërisë Edi Rama e ka nisur ditën e sotme duke përshëndetur ndjekësit në Facebook me lajmin e mirë të një dite më parë, atë të shpalljes zyrtarisht si pjesë e trashëgimisë së UNESCO-s të “K’cimit të Tropojës”.

Për kreun e qeverisë gjatë kësaj dekade janë shpëtuar, rilindur dhe promovuar vlerat e trashëgimisë që deri dje sipas tij ishin të braktisura nën pluhurin e harresës.

“Mirëmëngjes dhe me lajmin e bukur se “K’cimi i Tropojës” shpallet zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO, si edhe me kënaqësinë e progresit të kësaj dekade për shpëtimin, rilindjen e promovimin e vlerave të kësaj trashëgimie deri dje të braktisur nën pluhurin e harresës, ju uroj një ditë të mbarë”, shkruan Rama, duke e shoqëruar postimin edhe me klipin e momentit kur shpallet nga UNESCO.