Erdoğan: Pavarësisht 50 mijë dëshmorëve, populli i Gazës nuk u përkul para shtypësit

Presidenti turk Recep Tayyip Erdoğan tha se populli i Gazës nuk u dorëzua pavarësisht numrit të lartë të dëshmorëve të vrarë nga sulmet izraelite që nga tetori i vitit 2023, raporton Anadolu.

“Pavarësisht se dha mbi 50 mijë dëshmorë, kryesisht gra dhe fëmijë, Gaza nuk u dorëzua, nuk arritën ta nënshtrojnë. Populli i Gazës nuk u përkul para shtypësit”, tha Erdoğan në një konferencë të përbashkët shtypi me homologun e tij mongol Ukhnaa Khurelsukh në kryeqytetin Ankara.

Presidenti Erdoğan i kërkoi komunitetit ndërkombëtar të respektojë detyrimet e tij ndaj popullit të Gazës.

“Qeveria izraelite nuk duhet të lejohet të shkelë armëpushimin”, tha ai.