Hysni Gucati zgjidhet kryetar i OVL UÇK-së
Në Kuvendin e pestë zgjedhor të Organizatës së Veteranëve të Luftës së Ushtrisë Çlirimtare të Kosovës, (OVL-UÇK,) sot është bërë zgjedhja e kryetarit, Kryesisë së Punës dhe Këshillit Drejtues.
Kandidatë për pozitën e kryetarit të OVL-UÇK-së, ishin ish drejtuesit e kësaj organizate, Nasim Haradinaj e Hysni Ngucati.
Hysni Gucati me 112 vota ka marrë besimin e anëtarëve të OVL UÇK-së për ta drejtuar këtë organizatë përsëri për një mandat të ri. Kurse, Nasim Hardinaj ka marr 95 vota.
Ndryshe në një fjalë rasti, Hysni Gucati ka thënë se kandidaturën e tij për kryetar e shpalli për të vazhduar, përkushtimin tij në mbrojtje të vlerave të luftës së veteranëve të Ushtrisë Çlirimtare të Kosovës, ku u zotua se do të kryej punën me dinjitet në mbrojtjen e vlerave të luftës së UCK-së dhe veteranëve të luftës.
Ndërsa, Nasim Haradinaj ka bërë thirrje që për këtë pozitë të zgjidhet më i devotshmi.
Kandidat ishte edhe Kapllan Parduzi, po që u tërhoq nga kandidatura për pozitën e kryetarit të OVL-UÇK së duke thënë se kjo kërkon përgjegjësi dhe është sfidë e madhe.
