Duart e mavijosura të Trumpit ngrenë pikëpyetje mbi shëndetin e tij
Një mavijosje e madhe në dorën e djathtë të presidentit Trump ka shqetësuar mbështetësit e tij. Dora e djathtë e Z. Trump dukej e mavijosur gjatë takimit të 78-vjeçarit me presidentin francez Emmanuel Macron të hënën ka nxitur spekulime në mediat sociale mbi shëndetin e tij.
Kjo skuqje apo mavijosje është vënë re edhe dy herë të tjera, në gusht dhe nëntorin e vitit të kaluar. Sekretarja e shtypit në Shtëpinë e Bardhë, Karoline Leavitt, ka deklaruar se kjo mavijosje ka ardhur për shkak të takimeve dhe shtrëngimeve të shumta të duarve.
“Presidenti Trump është një njeri që u përket njerëzve dhe ai takon shumë amerikanë. Trump shtrëngon më shumë duar në ditë se çdo president tjetër në të gjithë historinë. Angazhimi i tij është i palëkundur dhe ai e dëshmon çdo ditë”, tha Leavitt. Nëse është kështu, të jesh president Amerike qenka vërtet e vështirë.
