Gaza, të paktën 29 të vrarë në sulmin izraelit ndaj shkollës që strehonte palestinezë të zhvendosur

Të paktën 29 persona u vranë, përfshirë fëmijë, në një sulm ajror izraelit në një shkollë që strehonte civilë të zhvendosur në Qytetin e Gazës të enjten në mbrëmje, tha një burim mjekësor, raporton Anadolu.

Zyra për media e qeverisë së Gazës tha se 18 fëmijë dhe një grua ishin në mesin e viktimave dhe më shumë se 100 njerëz u plagosën në sulmin që synoi shkollën “Dar Al-Arqam” në lagjen Tuffah, ku qindra civilë janë strehuar.

Sulmi ishte i fundit në ofensivën e rifilluar izraelite ka vrarë më shumë se 1.160 viktima dhe ka plagosur mbi 2.700 që nga 18 marsi, duke shkelur armëpushimin e janarit dhe marrëveshjen e shkëmbimit të të burgosurve midis Izraelit dhe grupit të rezistencës palestineze Hamas.

Gjithsej, mbi 50.500 palestinezë, kryesisht gra dhe fëmijë, janë vrarë në sulmet brutale izraelite në Rripin e Gazës që nga tetori i vitit 2023.