“Transport publik falas për nxënësit”, Rama për fëmijët dhe shkollat: Rrogën mesatare të mësuesve do ta bëjmë 1250 euro!

Kreu i qeverisë ka vijuar me përgjigjet ndaj pyetjeve të komentuesve në rrjetet sociale, ku sot është ndalur në një koment që thotë se në Shqipëri nuk ka fëmijë.

Rama shprehet se sot marrin libra falas 238 mijë nxënës, teksa shtoi se brenda mandatit të katërt do të bëjnë rrogën mesatare të mësuesve 1250 euro.

“Shkolla atëherë ishte mysybet dhe prindërit ishin të detyruar të blinin vetë librat për fëmijët e tyre. Sot 238 mijë nxënës i marrin libra falas, e ti thua s’ka fëmijë. Paga mesatare e mësuesit është dyfishuar krahasuar me kohën kur morëm detyrën, ishte 420 euro, sot është 950 euro dhe brenda mandatit të katërt të do të shkojë 1250 euro.
Ndërkohe po të them gjithashtu se deri në fund të mandatit të ardhshëm, 430 shkollave të reja do i shtohen dhe 200 të tjera. Kur ne morëm detyrën s’kishte laboratorë. Kishte ca klasa me kompjutera që nuk ndizeshin e që quheshin laboratore.

Sot ka laboratorë inteligjentë në 340 shkolla, do jetë brenda mandatit të katërt do jenë 1000 laboratorë të tillë dhe s’do të ketë nxënës pa akses në mësimin e teknologjisë dixhitale.
Po ashtu do ndërtojmë shoqërinë publike të transportit të nxënësve që ka plot fëmijë që duhen mbështetur falas me transport në shkollë. Palestrat numëroheshin me gishtat e duarve kurse sot kemi mbi 200 palestra në shkollë. Janë mbi 12 mijë fëmijë të përfshirë”, tha Rama.