Tragjedi në autostradën Tetovë-Gostivar: 33-vjeçarja nga Bogovina humb jetën, lëndohen dy fëmijë
Një aksident i rëndë trafiku ka ndodhur sot rreth orës 15:00 në autostradën Tetovë-Gostivar, pranë kyçjes për në fshatin Kamjan, ku për pasojë ka humbur jetën një grua 33-vjeçare nga Bogovina, ndërsa dy fëmijë të mitur kanë mbetur të lënduar.
Sipas informacioneve të para, bëhet fjalë për GJ.A (33), e cila, duke drejtuar automjetin, ka humbur kontrollin dhe ka dalë jashtë rrugës, duke u përplasur rëndë. Si pasojë e aksidentit, gruaja ka ndërruar jetë në vendin e ngjarjes, ndërsa dy fëmijët që ndodheshin në makinë janë dërguar me urgjencë në spital për trajtim mjekësor.
Policia ka dalë menjëherë në vendin e ngjarjes dhe ka nisur hetimet për të zbardhur shkaqet e sakta të aksidentit.
Detaje nga policia:
Me datë 31.05.2025 në ora 15:30, në SPB Tetovë është raportuar se në magjistralen Gostivar-Tetovë afër mbikalimit për fshatin Kamenjanë, ka ndodhur një aksident trafiku ku vetura e pasagjerëve “Golf” me targa të Tetovës, e drejtuar nga J.S. (22) nga fshati Pirok, ka humbur kontrollin dhe ka dalë nga rruga. Në aksident, mjeku i urgjencës ka konstatuar se pasagjerja G.A. (33) nga fshati Bogovinë ka vdekur në vend, ndërsa drejtuesja e mjetit J.S. si dhe pasagjerët V.R. (28) nga fshati Bogovinë, J.O. (21) nga fshati Pirok, A.M. (10) nga fshati Palaticë, A.M. (6) nga fshati Bogovinë dhe A.R. (15) nga fshati Palçisht i Poshtëm me lëndime trupore janë transportuar në Qendrën Emergjente-Tetovë. Inspektim në vendngjarje po kryen ekip i SPB Tetovësdhe Prokurori Publik nga Prokuroria Themelore Publike Tetovë.
