Tym i zi, nuk ka zgjedhje të Papës së ri në votimin e parë

Siç e prisnin shumica e njerëzve, tymi i parë nga Kapela Sistine është i zi, që do të thotë se ende nuk ka një Papë të zgjedhur.

Me vetëm një raund votimi sot, një zgjedhje e menjëhershme ishte e pamundur dhe, në përgjithësi, është jashtëzakonisht e rrallë që një papë i ri të zgjidhet në votimin e parë, shkruajnë mediat e huaja, përcjell Telegrafi.

Sytë tani kthehen nga nesër, kur janë planifikuar më shumë raunde votimi.

Ajo mund të jetë një ditë vendimtare: shtatë papët e fundit janë zgjedhur të gjithë në ose pas sinjalit të tretë të tymit.

Ndryshe, kardinalë nga e gjithë bota janë mbledhur në Romë për të zgjedhur Papën e ardhshëm pas vdekjes së Papa Françeskut, të hënën e Pashkëve.

Nuk e dihet se sa do të zgjasë ky proces – konklavat e mëparshme kanë zgjatur vetëm disa ditë, megjithëse në shekujt e mëparshëm mosmarrëveshjet ndonjëherë kanë bërë që takimet të zgjaten me muaj. /Telegrafi/