Ilir Meta çon në Kushtetuese kërkesën për lirimin nga qelia
Ish-presidenti i Shqipërisë, lir Meta, ka dorëzuar në Kushtetuese kërkesën kundër vendimit të Gjykatës së Lartë që e la në arrest me burg.
Përmes avokatit Kujtim Cakrani, Meta ka kërkuar në Kushtetuese lirimin nga qelia.
Ai ka kërkuar shfuqizimin e vendimit të Gjykatës së Lartë që e la në burg më 27 shkurt.
Gjithashtu, Meta ka kërkuar edhe shfuqizimin e vendimit të mëparshëm, atij të 19 nëntorit 2024, kur Apeli në GJKKO e la në burg.
