Ilir Meta mbetet në burg, gjykata rrëzon kërkesën e avokatëve të tij

Gjykata e Posaçme për Korrupsionin dhe Krimin e Organizuar (GJKKO) ka rrëzuar sërish kërkesën e ish-presidentit të Shqipërisë, Ilir Meta, për zbutje të masës së sigurisë, duke lënë në fuqi arrestin me burg ndaj tij, raporton “Euronews Albana”.

Edhe pse SPAK i komunikoi mbylljen e hetimeve dhe çështja do të shkojë në gjykim, presidenti i Partisë së Lirisë do të vazhdojë të qëndrojë në burg deri në një vendim të ri, pasi gjyqtari Erjon Çela la në fuqi masën e arrestit ndaj tij.

Avokati Kujtim Cakrani braktisi seancën me argumentin se gjyqtari nuk është i pavarur.

Meta kishte kërkuar të lirohej nga qelia me argumentin që tashmë hetimet ndaj tij janë mbyllur dhe dosja ka kaluar për gjykim.