Nesër fillon viti i ri shkollor! Libra për të gjithë, mësim deri më 10 qershor përveç maturantët
Nga nesër fillon viti i ri shkollor 2025/2026. Mësimi do të zgjasë deri më 10 qershor për të gjithë nxënësit e shkollave fillore dhe të mesme, përveç maturantëve të cilët do të mësojnë deri më 15 maj. Për të gjithë nxënësit janë siguruar tekstet shkollore. Mbi 90% e tirazhit tashmë është shpërndarë, ndërsa pjesa e mbetur nwpwr shkollat rajonale do t’u dërgohen në ditët në vijim.
“E kemi ngritur nivelin e përfshirjes në sistemin arsimor. Përveç asistentëve arsimorë në shkollat fillore, të cilët do të jenë gjithsej 1.346, për herë të parë asistencë arsimore do të marrin edhe nxënësit e shkollave të mesme me nevoja të veçanta arsimore. Atyre do t’u ndihmojnë 130 asistentë arsimorë. Për herë të parë kemi futur arsim formal për fëmijët që janë në trajtim të gjatë spitalor, dhe ata nuk do të humbasin më mësimin, sepse varësisht nga gjendja e tyre do të mund të përfshihen online në klasën e tyre ose mësuesi do të punojë individualisht me ta”, deklaroi ministrja e Arsimit Vesna Janevska.
