OVL e UÇK-së presin në takim ambasadorin turk

Organizata e Veteranëve të Luftës së UÇK-së ka takuar ambasadorin e Turqisë në Kosovë, Sabri Tunç Angili.

“Sot pritëm në takim Ambasadorin e Republikës së Turqisë në Kosovë, z. Sabri Tunç Angılı, ku në vazhdën e avokimit tonë lidhur me shqetësimet për Gjykatën Speciale, ambasadori pranoi personalisht letrën tonë të adresuar për ministrin e Punëve të Jashtme të Turqisë, z. Hakan Fidan”, thuhet në njoftimin e OVL UÇK-së.

Sipas OVL-së, ky hap tregon angazhim direkt diplomatik të Turqisë për shqetësimet e kësaj organizate.

“Ky hap përfaqëson një angazhim të drejtpërdrejtë dhe një kanal të rëndësishëm diplomatik për përcjelljen e shqetësimeve tona në instancat më të larta shtetërore të Turqisë”.