Policia e Shtetit bllokon 20 mjete lundruese e shpëton 38 persona në det (VIDEO)
Policia e Shqipërisë ka njoftuar se po vijon monitorimi i hapësirës detare, liqenore dhe lumore nga Njësia Policore Detare dhe Policia Kufitare, me qëllim rritjen e sigurisë.“Gjatë javës, nga Komani në Ksamil, janë kontrolluar 321 mjete lundruese, nga të cilat 20 janë bllokuar për shkelje të ndryshme” – thuhet në njoftimin e Policisë së Shtetit të datës 31.08.2025.Sipas organeve të rendit në Shqipëri, mjetet e bllokuara janë 11 jet ski, 5 skafe, 3 gomone dhe 1 varkë metalike me motor uji të instaluar.
Po ashtu, Policia theksoi se 8 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve.“Drejtuesit e tyre janë ndëshkuar me masë administrative prej 100.000 lekësh secili”- ka sqaruar Policia e Shtetit.
Gjatë kësaj jave, u njoftua se Policia Kufitare dhe Njësia Policore Detare kanë ndërhyrë gjithashtu në disa raste shpëtimi.“Janë shpëtuar në det 38 shtetas (shqiptarë dhe të huaj) dhe 17 mjete lundruese, falë ndërhyrjes së menjëhershme nga Ksamili në Koman” Thuhet mes tjerash në komunikatë.Policia ka apeluar që qytetarët të respektojnë me rigorozitet rregullat e përdorimit të mjeteve lundruese, siç janë: të mos shkelin perimetrin e sigurisë, të lundrojnë vetëm në zonat e lejuara, të pajisen me mjetet e nevojshme të shpëtimit, të shmangin lundrimin me mjete të vogla në kushte të pafavorshme moti.
