Dogana ndalon lodra të dyshuara të falsifikuara
Dogana e Kosovës ka ndaluar 275 njësi lodrash për fëmijë, për të cilat ekziston dyshimi se cenojnë të drejtat e autorit dhe pronësisë intelektuale.
Sipas komunikatës së doganës thuhet se kontrollet janë realizuar në bashkëpunim me Inspektoratin e Tregut dhe në koordinim të plotë si pjesë e Task Forcës Kundër Piraterisë.
Si rezultat i këtyre veprimeve, janë ndaluar nga qarkullimi produktet që dyshohet se janë të falsifikuara, duke siguruar mbrojtjen e të drejtave të autorit dhe pronësisë intelektuale.
“Dogana e Kosovës dhe Inspektorati i Tregut mbeten të përkushtuar në mbrojtjen e të drejtave të autorit dhe të drejtave të përafërta, dhe do të vazhdojnë bashkëpunimin e ngushtë me institucionet zbatuese të ligjit për të parandaluar dhe luftuar në mënyrë efikase fenomenin e piraterisë dhe falsifikimit në tregun e brendshëm”, thuhet në komunikatë.
