Kamionët me ndihma fillojnë të hyjnë në Gaza sipas marrëveshjes së armëpushimit
Kamionët që transportonin ndihma humanitare filluan të hyjnë në Rripin e Gazës sipas marrëveshjes së armëpushimit midis Izraelit dhe Hamasit.
Burimet lokale thanë për Anadolu se një numër kamionësh me ndihma kaluan nëpër pikën kufitare Kerem Shalom të kontrolluar nga Izraeli në jug të Gazës.
Hyrja e kamionëve me ndihma vjen pasi faza e parë e marrëveshjes së armëpushimit në Gaza hyri në fuqi të premten sipas planit të presidentit të SHBA-së, Donald Trump, për t’i dhënë fund një lufte dyvjeçare izraelite në enklavë.
Konvojet me ndihma humanitare kalojnë kufirin Rafah pas armëpushimit
Konvojet me ndihma humanitare nga Egjipti filluan të kalojnë në Gaza përmes kalimit kufitar Rafah pas marrëveshjes së armëpushimit të shpallur së fundmi, raporton Anadolu.
Të mërkurën, presidenti i SHBA-së, Donald Trump, njoftoi se Izraeli dhe Hamasi kishin rënë dakord për fazën e parë të një plani 20-pikësh që ai paraqiti më 29 shtator për të sjellë një armëpushim në Gaza, për të liruar të gjitha pengjet izraelite në këmbim të rreth 2 mijë të burgosurce palestinezë dhe për një tërheqje graduale të forcave izraelite nga e gjithë enklava.
Një fazë e dytë e planit kërkon krijimin e një mekanizmi të ri qeverisës në Gaza pa pjesëmarrjen e Hamasit, formimin e një force të sigurisë që përfshin palestinezë dhe trupa nga vendet arabe dhe islamike, dhe çarmatimin e Hamasit.
Që nga tetori i vitit 2023, sulmet izraelite kanë vrarë të paktën 67.600 palestinezë në Gaza, shumica prej tyre gra dhe fëmijë, si dhe e kanë kthyer enklavën praktikisht në të pabanueshme.
