Osmani: Toleranca ndaj diskriminimit në Luginën e Preshevës ka mbaruar
Presidentja e Kosovës, Vjosa Osmani, ka thënë se avancimi i Projektligjit për Vlerësimin e Diskriminimit në Luginën e Preshevës dërgon një mesazh të qartë se diskriminimi kundër shqiptarëve në Serbi nuk është më i padukshëm dhe nuk tolerohet.
Osmani ka theksuar se Serbia vazhdimisht ka kryer shkelje të të drejtave të pakicave, përfshirë fushatën e pasivizimit për pastrim etnik përmes mjeteve administrative, shtypjen e gjuhës shqipe, përjashtimin nga institucionet publike, diskriminimin në arsim, margjinalizimin ekonomik dhe intimidimin nga autoritetet qendrore.
Projektligji, i votuar më 21 janar nga Komiteti për Punë të Jashtme i Kongresit amerikan, i kërkon sekretarit amerikan të Shtetit, Marco Rubio, të përgatisë një raport gjithëpërfshirës mbi trajtimin e pakicave në Serbi, me fokus të veçantë te shqiptarët e Preshevës, Medvegjës e Bujanocit.
Presidentja Osmani ka falënderuar sponsorin e projektligjit, Keith Self, kryetarin e komitetit, Brian Mast, dhe të gjithë ata që votuan pro avancimit të tij me mbështetje dypartiake.
The advancement of the Presheva Valley Discrimination Assessment Act in the U.S. House Foreign Affairs Committee sends a clear message: systematic discrimination against the Albanian community in Serbia is no longer invisible or tolerated.
Serbia has continuously carried out… pic.twitter.com/7nlmmIsdSr
— Vjosa Osmani (@VjosaOsmaniPRKS) January 26, 2026
