SHBA-të, Danimarka dhe Grenlanda ranë dakord: Kopenhaga dërgon F-35 në misionin e NATO-s
Kryeministrja daneze Mette Frederiksen planifikon të takohet me Sekretarin e Shtetit të SHBA-së, Marco Rubio, në Konferencën e Sigurisë në Mynih dhe të diskutojë çështjen e Groenlandës, u tha ajo gazetarëve sot në Mynih, transmeton Euronews.
Kryeministri i Groenlandës, Jens-Frederik Nielsen, do të marrë pjesë gjithashtu në takim, njoftoi Parlamenti i Groenlandës në transmetuesin publik danez DR.
Kopenhageni dërgon F-35
Në një zhvillim tjetër, Ministri danez i Mbrojtjes Trolls Lund Poulsen tha sot se Danimarka do të sigurojë katër avionë luftarakë F-35 për misionin Arctic Sentry të NATO-s.
NATO tha të mërkurën se kishte nisur misionin për të forcuar praninë e saj në Arktik, si pjesë e një përpjekjeje për të zbutur tensionet brenda Aleancës të shkaktuara nga lëvizjet agresive të Donald Trump mbi Grenlandën.
“Kontributi ynë me F-35 forcon praninë e përgjithshme në rajon dhe nënvizon rolin e Danimarkës si një aleat aktiv në Arktik dhe Atlantikun e Veriut”, tha Poulsen në një deklaratë. Ai gjithashtu theksoi se pret që Shtetet e Bashkuara të kontribuojnë në misionin e NATO-s.
