Zejdi pyet Alternativën: Pse deri tani heshtët ndaj Qeverisë? Nuk kalojnë këto fore!

Deputeti Skender Rexhepi – Zejdi, përmes një shkrese në FB profilin e tij u ka dërguar mesazh bashkëpartiakëve nga Alternativa duke i pyetur se ku ishin deri sot qe 15 muaj për të pyetur Qeverinë se pse nuk po përmbushen kërkesat nga programi i tyre por tani kur po bëhen negociata për hyrjen e ASH-së në Qeveri, kjo gjë u është kujtuar, përcjellë Zhurnal.

Sipas tij, Alternativa madje kishte mundësi për ta rrëzuar Qeverinë si dënim për mos përmbushje të programit.

Nuk kalojnë këto forre, thotë Zejdi.

NJË MARRËVESHJE QEVERITARE E HARUAR…
Tash kur po e shohin që po u rrënohet dheu ndër këmbë (po u merret pushteti) – ata trumpetojnë se qeveria nuk u ndejti në besë sepse nuk ua realizoi programin.
Po ku ishin bre plot 15 muaj që fare asnjëherë nuk e kushtëzuan qeverinë për mos realizimin e atij programi – edhe pse e kishin fuqinë që bile edhe ta rrëzojnë qeverinë.
NUK KALOJNË KËTO FORE JO…