Pamjet e malit shkaktuan sërish panik në Turqi, pas tërmetit u shfaq tym dhe më pas doli një substancë e lëngshme e zezë
Ndërsa pasgoditjet vazhduan pas tërmeteve me magnitudë 7.8 dhe 7.6 në Kahramanmaras të Turqisë, ku u prekën 13.5 milionë njerëz, imazhet e malit Kahramanmaras Kuskajasi u përhapën në rrjetet sociale dhe nxitën shqetësime.
Duke u shprehur se nuk ka vend për panik, prof. Dr Suleyman Pampal dhe Osman Bektas, kanë treguar për Milliet.com.tr se çfarë fshihet pas këtyre fotove, transmeton Telegrafi.
Pas tërmetit është vërejtur se në malin e Kushkajasit në rrethin e Goksunit, po ngrihej tym. Fshatarët thanë se pas tërmetit, në mal u shfaq tym dhe më pas doli një substancë e lëngët e zezë.
Momente nga videoja janë shpërndarë në rrjetet sociale. Pas regjistrimeve që shkaktuan panik të madh, ishte ngritur çështja nëse kishte aktivitet vullkanik në rajon.
Duke dhënë një deklaratë në një transmetim të drejtpërdrejtë në lidhje me akuzat për “shpërthim vullkanik”, drejtori i përgjithshëm i AFAD për reduktimin e rrezikut nga tërmeti, prof. Dr. Orhan Tatar tha: “Vëzhgimet tona në Geksun janë se nuk ka rrjedhje llave, hi vullkanik, naftë apo gaz në rajon. Akuzat janë të rreme. Nuk ka asnjë grup shkëmbor që do të shkaktonte një shpërthim vullkanik”.
Tatari vazhdoi shpjegimet e tij duke theksuar se “nuk është e mundur të ketë vullkan”.
Ai shtoi se ka pasur dy tërmete me magnitudë 7 në rajon dhe se energjia doli në mënyrë të pashmangshme në sipërfaqe.
“Një pjesë e madhe e energjisë në një thellësi prej 18 km del në sipërfaqe dhe ndryshon formën e kores së tokës, të cilën ne e quajmë deformim në sipërfaqe, dhe e thyen atë. Është e natyrshme që energjia e një tërmeti krijon vende kaq të larta dhe të ulëta në koren e tokës. Kjo pyetje nuk ka të bëjë fare me vullkanin”, tha profesori Bektas.
