Erdogan: Le t’i japim “një leksion të mirë” SHBA-së në këto zgjedhje

Presidenti turk Rexhep Tajip Erdogan “foli” kundër presidentit amerikan, Joe Biden, si dhe ambasadorit amerikan në Ankara, në një event të Ujqërve Gri. Në veçanti, Erdogan u bëri thirrje qytetarëve që të votojnë për të në zgjedhjet e ardhshme për t’i dhënë një “mësim të fortë SHBA-së dhe Bidenit”.

Presidenti Rexhep Tajip Erdogan, foli në lidhje me vizitën e ambasadorit amerikan në Ankara, Jeff Flake dhe kryetarit të CHP-së,(Partia Popullore Republikane) Kemal Kılıçdaroğlu.

“Në këto zgjedhje ne duhet t’i japim Amerikës një mësim të mirë. Është turp, vëreni mendjen në punë. Ju jeni një ambasador. Ai që duhet t’i drejtoheni është presidenti. Si do të kërkoni tani një emërim nga presidenti?”, tha Erdogan.

“Dyert tona për ambasadorin janë të mbyllura. Nuk mund të vijë sërish. Pse; Sepse ju duhet të dini kufijtë tuaj. Si ambasador duhet të dini detyrat tuaja. Përderisa nuk mësoni, kjo portë (e presidencës) nuk është kështu siç mendoni ju. Nuk mund të hyni”!, theksoi Erdogan.