Mexhiti: Pas 20 vitesh, Spitali Klinik në Tetovë do t’i presë pacientët në ambiente të rinovuara

Pas 20 vitesh, Spitali Klinik në Tetovë do t’i presë pacientët në ambiente të rinovuara.

Kjo u bë e ditur sot nga ministri i shëndetësisë, Fatmir Mexhiti.

“Ka përfunduar një projekt i rëndësishëm për Spitalin Klinik në Tetovë, ne u ofrojmë pacientëve kushte të ngjashme me qendrat e mëdha mjekësore në mbarë Evropën. Spitali i Tetovës u bë me dy reparte të pajisura dhe të rinovuara plotësisht për gjinekologji dhe neonatologji dhe reparte ambulatore të repartit të sëmundjeve interne të rinovuara dhe pajisura plotësisht. Politikat që ne krijojmë janë për përmirësimin e mëtejshëm të gjendjes së sistemit shëndetësor, gjithçka me synimin që pacientët të marrin shërbime më të mira shëndetësore”, theksoi Mexhiti.